Prix de Gengangere med riss-slipp

Nytt av året er at Final skal vere med å skipe til vårens store hending ved Institutt for nordistikk og litteraturvitenskap: Prix de Gengangere med riss-slipp!

Då samlast tilsette og studentar ved INL for å markere at nok eit studieår har kome til ende. Me stemmer fram årets forelesarar og gruppeleiar, og kven som er mest sexy ved instituttet. I tillegg har tidsskriftet riss slippfest. Final bidreg med ein forrykande quiz. Hendinga går føre seg på Familien, måndag 30. april frå klokka 19.00.

Alle med INL-tilknytting er velkomne!

Fagkveld 20. mars

Då er alt klart for språkleg fagkveld 20. mars! Temaet er språkleg integrering. Brit Mæhlum skal snakke om samisk i møte med norsk under tittelen "Samisk identitet i det seinmoderne samfunn. Fra stigma til stolthet - og så tilbake igjen?" og Rikke van Ommeren skal snakke om dialektbruk hjå innvandrarar på Oppdal under tittelen "Ja, jæi la an på å tålå oppdaling, ja. Om språklig integrering på bygda".

Det heile går av stabelen på Krem Kaffebar, Krambugata 3, klokka 19.00. Alle språk og litteraturinteresserte er hjarteleg velkomne!